ამბები >
სად არის ყველაზე მაღალი მთა?
21.09.15
NASA - ევერესტი მთათა სისტემაში; ხედი კოსმოსიდან

მარსზე გიგანტური ვულკანური ოლიმპის მთა (ლათ. Olympus mons) ყველაზე მაღალია მზის სისტემაში და ჩვენთვის ცნობილ სამყაროში. 22 კილომეტრი სიმაღლისა და 624 კმ სიგანის მთა თითქმის სამჯერ მაღალია ევერესტზე და იმდენად განიერია, რომ მისი ძირის ფართობი არიზონის შტატის ან ბრიტანეთის კუნძულების მთელ ტერიტორიასაც გადააჭარბებდა. მის მწვერვალზე არსებული კრატერის სიგანე დაახლოებით 72 კილომეტრია, სიღრმე - 3 კილომეტრი. საკმაოდ დიდია - ადვილად გადაყლაპავდა ლონდონს. ოლიმპი არ ჯდება მთის შესახებ ადამიანთა უმეტესობის წარმოდგენებში. მისი წვერი ბრტყელია, როგორც წყლისგან დაცლილი ზღვის ვრცელი პლატო, არც ფერდობებია ციცაბო. მათი უმნიშვნელო, 1-დან 3 გრადუსამდე დახრილობა იმის მანიშნებელია, რომ მთაზე აძრომისას არც კი გაოფლიანდებით. ტრადიციულად, მთებს სიმაღლის მიხედვით ვზომავთ. სიდიდის მიხედვით რომ ვზომავდეთ, აზრი არ ექნებოდა მთლიან ქედში ერთი მთის დანარჩენებისგან გამოცალკევებას. ამ მიდგომით, ევერესტთან შედარებით ოლიმპი ჯუჯა იქნებოდა, რადგან ევერესტი არის ჰიმალაი - ყარაყორუმი - ჰინდუქუში - პამირის გიგანტური ქედის ნაწილი, რომლის სიგრძე თითქმის 2400 კილომეტრია.

თეგები: 
მარსი
ოლიმპის მთა
მზის სისტემა
ევერესტი
არიზონის შტატი
ოლიმპი
პლატო
ფერდობი
ჰიმალაი
სტატიები
გამოიწერეთ
სიახლეები
© 2012-2018 ყველა უფლება დაცულია. ჟურნალსა და ვებგვერდზე გამოქვეყნებული
მასალების ნაწილობრივი ან სრული გამოყენება რედაქციის ნებართვის გარეშე აკრძალულია