ფოტოამბავი >
ფოტოამბავი
ობიექტივში და კადრს მიღმა
ფოტოამბავის
შესახებ
01.02.19
სამხრეთ აფრიკის აღლუმთუხუცესი გოგონები
ავტორი: დენიელ სტოუნი
ფოტოგრაფი: !აირჩიეთ!

სამხრეთ აფრიკის მედოლე აღლუმთუხუცესი გოგონების ტრადიცია სპორტისა და ცეკვის ელემენტებს აერთიანებს. 

“დრამიებად ცნობილი მედოლე აღლუმთუხუცესი გოგონები კეიპტაუნში 1970-იან წლებში გამოჩნდნენ. დღეისათვის ისინი საშეჯიბრებო კლუბებში ვარჯიშობენ, ხშირად – სკოლებში. კლუბები ყველასთვის ღიაა, მაგრამ ხშირად ისინი იზიდავენ გოგონებს მარგინალიზებული თემებიდან. ითვლება, რომ მრავალსაათიანი ვარჯიშები თავდაჯერებულობისა და პოზიტიური სამუშაო ეთიკის გამომუშავებას უწყობს ხელს.

სამხრეთაფრიკელმა ფოტოგრაფმა ელის მანმა მედოლეების სურათების გადაღება 2016 წელს დაიწყო. იგი მათმა ენერგიამ, ქალურობამ და სიძლიერემ მიიზიდა. მანი გოგონების ვარჯიშებსა და წარმოდგენებს უყურებდა და შეამჩნია, როგორ იცვლებოდა მათი სხეულის ენა უნიფორმის ჩაცმისას. იგი მშობლების იმედებს ხედავდა, განსაკუთრებით მათი დედებისას, რომლებიც კლუბებს შემოწირულობების შეგროვებასა და უნიფორმების მოწესრიგებაში ეხმარებიან.

ენთუზიაზმი და ენერგია განახლებადი რესურსებია, მაგრამ აქტივობამ ბოლო ხანს იკლო, რაც სკოლების სიღარიბისა და გოგონების ერთმანეთში ურთიერთობის სხვა გზების – განსაკუთრებით, ონლაინ კომუნიკაციის შედეგია.

მიუხედავად ამისა, კეიპტაუნში ჯერ კიდევ ბევრი მედოლეა, რომლებიც შეჯიბრებებზე ჩამოდიან და რომლებიც ასეთი აქტივობების გრძელვადიან მნიშვნელობას ხედავენ. „მედოლეობა უაღრესად პოზიტიურად მოქმედებს გოგონებზე და მათ ისეთ რამეებს ასწავლის, რის გამოყენებასაც ცხოვრებაში შეძლებენ, – ამბობს მანი.

მედოლეებს გამოსასვლელი დღეები არ აქვთ. დღესასწაულზე ფერმონტის საშუალო სკოლის მედოლე აღლუმთუხუცესი გოგონები რთული პროგრამის შესასრულებლად იკრიბებიან.
უნიფორმებს, როგორც წესი, სკოლები არიგებენ, თუმცა, მშობლები ამისათვის თანხას იხდიან. ქუდის ფერი იმაზე მიუთითებს, პროგრამის რომელ ნომერს შეასრულებენ გოგონები.
გოგონები, რომლებიც ვარჯიშს ადრეული ასაკიდან იწყებენ, თინეიჯერობის პერიოდშიც რჩებიან გუნდში და მიღებული გამოცდილებით სხვა გოგონებს ეხმარებიან ინტენსიურ ვარჯიშებსა და შეჯიბრებებში.
გოგონები უნიფორმებში უფრო თავდაჯერებულები და ამაყები იზრდებიან.
იმისდა მიუხედავად, რომ მრავალი მედოლე დაბალშემოსავლიანი ოჯახიდანაა, განთქმული ფერმონტის საშუალო სკოლის მოსწავლე გოგონები სხვადასხვა სოციალურ კლასს განეკუთვნებიან.
მედოლე აღლუმთუხუცეს გოგონებს მყარი მეგობრობა უყალიბდებათ ერთმანეთთან.
თეგები: 
გამოიწერეთ
სიახლეები
© 2012-2018 ყველა უფლება დაცულია. ჟურნალსა და ვებგვერდზე გამოქვეყნებული
მასალების ნაწილობრივი ან სრული გამოყენება რედაქციის ნებართვის გარეშე აკრძალულია