ძირითადი ინსტინქტები >
ძირითადი ინსტინქტები
სიყვარულისა და ვნების კვლევა ცხოველთა სამყაროში
01.09.16
პატრისია ედმონდსი
რებეკა ჰეილი, NGM-ის თანამშრომელი
 
საარსებო გარემო
ჩინეთის მკვიდრი პეწიანასებრი 2002 წელს ჩიკაგოში აღმოაჩინეს.
სტატუსი
საინტერესო ფაქტი
ეს ხოჭოები ხის შიდა ქერქს ჭამენ, რაც წყლის ცირკულაციას არღვევს.
შოკის მომგვრელი სექსი

პეწიანასებრი ხოჭო იმ მდედრს ირჩევს, რომლის სხეულზეც ყველაზე მეტად თამაშობს სინათლე. ის ერთ-ერთს უახლოვდება, ფიზიკურ კონტაქტს ამყარებს – და უცებ, 4000 ვოლტი.

ელექტრო სატყუარასთან შეწყვილებით სიკვდილი ცუდი დასასრულია. მაგრამ ენტომოლოგი მაიკლ დომინგო ამაში ტრაგედიას ვერ ხედავს. 2002 წლიდან ამ ხოჭოებმა ჩრდილოეთ ამერიკის მილიონზე მეტი იფანი გაანადგურეს.

დომინგომ და მისმა პენსილვანიის სახელმწიფო უნივერსიტეტის კოლეგებმა სასიკვდილო, ბატარეაზე მომუშავე მდედრი შექმნეს. თავდაპირველად, მეცნიერებმა 3-D პრინტერი გამოიყენეს, რომლითაც მამრი ხოჭოები დიდად ვერ მოხიბლეს. შემდეგ უფრო რეალისტური და სინათლის ამრეკლავი მოდელი შეიმუშავეს. ტესტირებამ გამოავლინა, რომ ნამდვილი და სატყუარა მდედრები ერთნაირად იზიდავდა მამრებს.

მსგავსი სატყუარების განთავსება იფნარში, ხელს შეუწყობდა ამ ხოჭოების გამრავლების პრევენციას. „თუ დროულად გავიგებთ, სად ჩნდებიან, უკეთაც გავუმკლავდებით“, ამბობს დომინგო.

თეგები: 
გამოიწერეთ
სიახლეები
© 2012-2018 ყველა უფლება დაცულია. ჟურნალსა და ვებგვერდზე გამოქვეყნებული
მასალების ნაწილობრივი ან სრული გამოყენება რედაქციის ნებართვის გარეშე აკრძალულია