ძირითადი ინსტინქტები >
ძირითადი ინსტინქტები
სიყვარულისა და ვნების კვლევა ცხოველთა სამყაროში
25.10.14
პატრიცია ედმონდსი
ჯოელ სარტორე
დიდი პანდის ეს ფოტო ატლანტის (ჯორჯია) ზოოპარკშია გადაღებული.
 
საარსებო გარემო
ჩინეთი
სტატუსი
გადაშენების საფრთხის წინაშე
საინტერესო ფაქტი
საშუალო ზომის ღორმუცელა პანდა დღეში 25 კილოგრამზე მეტ ბამბუკს მიირთმევს.
მამრი პანდა - თმენით გატანჯული მოარშიყე

მდედრი პანდა, წელიწადში მხოლოდ ერთხელ მძუნაობს და ისიც სულ 24-72 საათით. ეს დიდ პანდებს გადაშენების პირას აყენებს. რა ქნას მამრმა პანდამ, სასიყვარულო კავშირის ასეთი ხანმოკლე შანსით?

მდედრ პანდებს ფერტილური პერიოდი, შესაძლოა, ნებისმიერ დროს დაეწყოთ, თებერვლიდან მაისის ჩათვლით. მამრები, ამ მომენტის დასაჭერად, შემოდგომიდან მეტ ჰორმონებს გამოიმუშავებენ. ოთხ თვეში, მამრების სათესლე პარკები, ჩვეულებრივ ზომასთან შედარებით, 2-3-ჯერ იზრდება.

ჩენდუში ჩინელი მეცნიერები ანესთეზირებულ მამრ პანდებს აკვირდებოდნენ ტყვეობაში გამრავლების პროგრამებისთვის. აღმოაჩინეს, რომ მდედრი პანდების „პიკის სეზონზე“ მამრების სპერმატოზოიდები გაცილებით უხვი და მოძრავი იყო, ვიდრე სხვა დროს. მოკლედ, მამრი პანდა ცდილობს, ამ თვეებში, რაც შეიძლება მეტი სპერმა დააგროვოს. მაგრამ, ასე დიდხანს ვერ ძლებს. ივნის-ივლისში, დიდი პანდების სასქესო ჯირკვლები, გამრავლების მომდევნო სეზონამდე, ჰორმონების გამომუშავებას წყვეტს.

თეგები: 
0
გამოიწერეთ
სიახლეები
© 2012-2018 ყველა უფლება დაცულია. ჟურნალსა და ვებგვერდზე გამოქვეყნებული
მასალების ნაწილობრივი ან სრული გამოყენება რედაქციის ნებართვის გარეშე აკრძალულია